Saturday, 8 June 2019

Professional Trader Habits in Hindi

0

Trading Business me high risk aur high reward involve hota hai. Is field me investment ka risk management karna imp hota hai. Aap ek hi din me paisa double bhi kar sakte hai. Same usi jagah aap ek hi din me pura capital lose bhi kar sakte hai.

Vaise to bade traders apni success ka secret share karna kam pasand karte hai. Lekin kai aise bade traders bhi market me hai jo bada dil rakh kar trading technique social platform ke madhyam se ya paid / free training ke zariye logo tak pahuncha dete hai.

To friends aaj ham is short article me yahi discuss karenge ki, ek successful trader banne ke liye aap ko apne treding style me kya kya discipline lana chahiye.


Professional trader does and don’t


News Trade

Smart trader kabhi bhi quick rich scheme ke liye nahi jaata hai. Jab market me kisi stock ko le kar news flow hoti hai to aisi script tezi se upar aur niche ki aur moment deti hai, jiska benefit utha lene ke chakkar me kai traders bade saude daal kar trap ho jate hai.


Stop loss

Market ek aisa samandar hai jaha hame pata nahi ki iska aakhri tal kaha hai. Is liye apni jeb ke hisaab se stop loss laga kar trading karne vala trader long time tak market me bana rahta hai. Stop loss ka matlab strict stoploss – baar baar adjust kar ke loss double karne vala stop loss nahi.


Preparation

Smart professional trader ek din pahle hi stock select karte hai. New inexperienced trader 3.30 ko apna screen close kar dete hai aur subah 9am use re-open karte hai. Ek manja hua trader ye galati kabhi nahi karta hai.


Sporty

Jaise khel me jit aur haar dono except karna chahiye thik vaise hi trading me loss aur profit dono hazam karna sikhna bahut zaruri hai. Kai new trader loss bardaast nahi kar paate hai aur use cover karne ke chakkar me puri capital gava dete hai. Purana chaval kabhi ye galati nahi karta hai.


Something new

Jab market ek trend me chalta hai to max traders ko pata hota hai ki vah script niche jaa rahi hai yaa upar jaa rahi hai. Aise me bahut sare traders ek hi disha me flow karte hai. Jab koi surprise nahi hoga to price action nahi hoga, aise me bada profit kamana mumkin nahi hoga. Professional trader ek kadam aage ki sochte hai aur us hisaab se advance trade le kar bada profit kama lete hai. Ye skill practice se aati hai, ise sikhne ka koi short-cut nahi hai.


Against flow 

Trading kai baar trader ke mind set par depend karta hai. Ab kuch trader short sell karne me comfortable hote hai to kuch trader long up trend me buy kar ke trade lene me expert hote hai. Lekin kuch buddhi jivi trend ko reverse karne ki nakaam koshish karte rahte hai. Means ab to ye itna gira hai, upar aayega, yaa ab to ye bahut uncha chala gaya hai short karenge, aise traders market se jaldi gayab ho jate hai. Note – never trade big size against the trend.


Entry Timing

Trading me timing bahut mayne rakhti hai. Agar aap subah me pahle do se 3 ghante me trade nahi le paate hai to us din trade lene ka koi tuk nahi banta hai. Professional traders hamesha time frame dekh kar trade lete hai. Taki stock reverse ho jaye yaa side ways ho jaye to unhe trade adgest karne ka sahi mauka mil sake.


Trade target

Ek master trader kabhi jua nahi khelta hai. Matlab din ke 3 trade sahi pad gaye to aur 3 le liye, usme loss hua to aur 5 trade le liye, ek point samjna zaruri hai, ki is business me har din profit nahi hoga. Trader ko jab loss ho tab use chota rakhe aur jab profit ho tab use trailing stoploss ke zariye bada banana chahiye. 


Patience

Trading business heart patient ke liye to hai hi nahi, iske alava jo log jata hua paisa bardast nahi kar sakte hai aise logo ke liye bhi nahi hai, kai baar market aap ka patience test karta hai, jab aap kisi trade ko le kar positive hain to us par tab tab trust rakhiye jab tak aadhe se zyada indicator trend ke khilaaf naa ho jaye, kai baar market thoda saa retracement karne ke bad tezi se aap ki disha me chal jaata hai.


Practice

Success pana hai to professional traders ki tarah aap ko mahino tak yaa saalo tak ek hi skill ko sharp banane ke liye lagataar baar baar practice karna hai, jo log aaj kam mehnat me zyada kama rahe hai unhone bhi kabhi paisa gavaya hoga, time waste kiya hoga, usi hardwork ki vajah se vah log aaj expert professional trader ban sake honge.


Learning

Kai baar new trader ek savaal puchte rahte hai, ki trading ke liye kitna capital zaruri hai, kaun sa indicator kaun sa software lena chahiye, to friends sikhne ke liye 1000 ka capital bhi kaafi hai. Aap ko sirf 1 se 10 stock buy aur sell kar ke practice karna hai. Aur jab 10 me 7 ya 8 trade sahi padne lage to aap apne risk par money management kar ke stock ki limit badhate jaao – sikhne me koi bada capital lagane ki zarurat hi nahi hai.


Professional Trader skill set conclusion

Is post me bataye gaye trading tips purely educational purpose ke liye hai. Aap stock market me enter kar ke investment kare uske pahle kisi financial expert ki salah zarur lijiye. Trading me perfect start aur end koi nahi pakad sakta hai, isme sara game probability / sambhavna par chalta hai, chote level par kaam shuru kijiye – aur fir success milna shuru ho jaye to limit laga kar trade volume badha sakte hai – jai hind     


Author Image

About PMB
Soratemplates is a blogger resources site is a provider of high quality blogger template with premium looking layout and robust design

No comments:

Post a comment