Sunday, 23 June 2019

Money Management Kya hai

1
Money Management Kya hai - Stock market me earning se zyada aap ka capital important hai. Agar ek baar aapne apna capital lose kar diya to aap market se bahar ho jate hai.

Isi liye capital ko protect karna bahut zaruri hai. Trading me jab koi bhi new hota hai to use kaam sikhna zaruri hota hai. Kabhi bhi profit par focus nahi karna chahiye.

Market me paisa lagate time kisi bi trader ko ek baat hamesha khud se puch lena 
chahiye ki vo trade kyu le raha hai.

Ab zahir hai ki log paisa kamane ke liye hi trade lete hai, lekin trade ka reason jaanna zarui hai.

Is baat ko acche se samjhne ke liye niche bataye kuch example jaan lijiye

Money Management

Trading reason list –

1 – me trade le raha hu kyu ki stock over bought hai.
2 – mera trade banta hai kyu ki stock over sold hai.
3 – trade to banta hai kyu ki sector down hai.
4 – sector me positive momentum hai to buy trade banta hai.
5 – stock ka chart market ke sath nahin chal raha hai yah flip hoga.
6 – stock market se pahle move kar raha hai, sensitive stock hai.
7 – stock long time se down trend me hai, yah up jaa nahi sakta hai.
8 – stock ka over-all trend positive hai ise har dip me buy karna chahiye.
9 – bazaar me bada event aa raha hai.
10 – week end hai, month end hai, expiry hai.
11 – stock company management ko le kar bad ya good news flow.
12 – stock behavior study – movement

Point – upar bataye karan kisi bhi stock ke up move ya down move ka indication de sakte hai. Ab market me kisi chiz ki guaranty to hoti nahi hai, sara khel dharna ka hota hai.

Risk – jitna aap kamane ki iccha karte hai utna loose karne ke liye bhi aap ko taiyar rehna hoga. Chote chote stop loss hamesha nuksaan hi late hai.

Management – ek single trade me aap ko ktina loose karna hai yaa usek badle me aap ka kya earning target hai is baat ka aap ko plan bana lena hai.

Recovery – same day me lose ki recovery karna bevkufi hai. Jab hava aap ke khilaaf chal rahi hai to jhuk jaane me hi bhalaai hoti hai.

Find a goal – small time frame me kabhi profit nahi hoga. Agar aap ek professional trader banna chahte hai to bada goal banao.

Sharp mind – trading me sabhi chizo ko analize kar lene ke baad bhi kai baar trade tezi se utla bhagne lagta hai. Aise me aap ko apne trade ko tezi se kaatna hota hai. Uske baad tezi se movement pakadna hota hai.

Anger management – sotck market se jagda kar ke aap paise nahi kama sakte hai. Gussa insaan ki akal ko kha jaata hai. Is liye loss ko bare karna sikho, proft me exit le kar rest karo.

Stop & Start – aap ko hamesha pata hona chahiye ki kaha ruk jaana hai. Kab tak trade karna hai. Agar account me 10000 cash hai aur aap ek din ka 5000 lose kar dete ho to aap juaari ho trader nahi.

Forget past – agar aap aaj ke din trade karte samay pichle loss yaad rakhte hai to aap kabhi bhi confidence se trade nahi le sakte hai. Aap ko aaj me jina hai. Purane loss se sikh leni hai, use yaad nahi karte rehna hai.

Money Management Kya hai

Jab aap paise kamaate hai to aap ko gurur nai karna hai, jab aap loss khate hai tab udaas nahi hona hai. Hath me jitna cash hai uska 3 se 5 percent se zyada ek din me loose nahi karna hai.

Agar aap ke paas back up cash hai to aap thoda aur risk le kar daily 10 percent se 20 percent ka risk le sakte hai. Lekin is se zyada to murkhami hi hogi. Aap ko apne trade me paisa mile naa mile lekin trade ka sahi panda zaruri hai.

Iske alava roz trade lena zaruri nahi hai. Jab aap ko lage ki aaj market sahi nahi hai. Zyada volatile hai, yaa side ways hai to aap us din rest le sakte hai.

Mistake ko repeat karna chod dena hai. Jo galati ek din ki hai use dusri baar nahi karna hai, daily chart study karna hai. To friends aaj aap ne jaan liye ki stock market me money management kya hai.

Discipline se trade karne par starting me bhale hi loss hoga lekin long term me profit hi hoga. Experience badhne se knowdlage badhta hai. – jai hind   


    
Author Image

About PMB
Soratemplates is a blogger resources site is a provider of high quality blogger template with premium looking layout and robust design

1 comment:

  1. मैंने अभी आपका ब्लॉग पढ़ा है, यह बहुत ही ज्ञानवर्धक और मददगार है।
    मैं भी ब्लॉगर हूँ
    मेरे ब्लॉग पर जाने के लिए यहां क्लिक करें (आयुर्वेदिक इलाज)

    ReplyDelete